Назорати камералӣ шакли назорати андоз буда, аз ҷониби мақомоти андоз дар асоси омӯзиш ва таҳлили ҳисоботи андози пешниҳоднамудаи андозсупоранда, маълумоти мақоми ваколатдор ва дигар ҳуҷҷатҳо дар маҳалли ҷойгиршавии мақомоти андоз анҷом дода мешавад.

   Мутобиқи муқаррароти моддаи 28 ва 263 Кодекси андози Ҷумҳурии Тоҷикистон бо мақсади назорати иҷрои талаботи Қонуни Ҷумҳурии Тоҷикистон «Дар бораи бақайдгирии давлатии шахсони ҳуқуқӣ ва соҳибкорони инфиродӣ» ва назорати иҷрои қарори Ҳукумати Ҷумҳурии Тоҷикистон  «Дар бораи тасдиқи қоидаҳои андозбандии соҳибкорони инфиродӣ, ки дар асоси патент ё шаҳодатнома фа­ъолият менамоянд" аз 31.08.2012, №451, инчунин санҷиши дурустии ҳисоб ва пар­дохти андоз аз воситаҳои нақлиёт, ҳолати бақайдгирӣ ва андозбан­дии иҷораи воситаҳои нақлиёт ва дар мӯҳлатҳои муқарраргардида аз муоинаи ҳатмии давлатии техникӣ гузаштани воситаҳои нақлиёт, дар асо­си Фармони муш­тараки Кумитаи андози назди Ҳукумати Ҷумҳурии Тоҷикистон ва Ва­зорати корҳои до­хилии Ҷумҳурии Тоҷикистон аз 01.09.2014 Гурӯҳи корӣ аз ҳисоби кормандони мақомоти андози вилояти Суғд барои гузаронидани санҷиши амалиётӣ дар якҷоягӣ бо кормандони шуъбаи Бозрасии давлатии автомобилии Раёсати ВКД Ҷумҳурии Тоҷикистон дар вилояти Суғд сафарбар карда шуданд.

   Бақияпулиҳои қарзи андоз дар ноҳияи Қубодиён дар айни замон 6 миллиону 594 ҳазору 676 сомониро ташкил медиҳанд. Барои ба вазъи андозсупории якчанд хоҷагию корхона аз наздик ошно шудан аз онҳо дидан ба амал овардем.

   Ҳамроҳи сармутахассиси бах­ши ситонидани қарзи андозҳои нозироти андоз Орзу Алимзода бо сардори хоҷагии деҳқонии «Бобои Сангин» Гулбаҳор Санги­нова, ки қарзи андозаш 80 ҳазор сомониро ташкил медиҳад , вохӯрдем. Раиси хоҷаги баҳона пеш овард, ки ҳоло маблағ надо­раду ҳамин,ки имконият пайдо шавад, қарзҳояшро мепардозад.

   23 - юми ноябри соли 2018 дар Кумитаи андози назди Ҳукумати Ҷумҳурии Тоҷикистон бо иштироки муовини якуми Раиси Кумитаи андози назди Ҳукумати Ҷумҳурии Тоҷикистон Аюбҷон Солеҳзода, муовини сардори Раёсати санҷиши андозҳои Кумитаи андоз Абдусалом Раҳимзода, сардори шуъ­баи назорати фаврии Раёсати санҷиши андозҳо Маҳмадсаид Давлатзода ва намояндагони ҶДММ «Фароз-пардохт» ҷаласаи корӣ баргузор гардид.