Болоравии воридот аз ҳисоби болоравии шумораи резидентҳои Минтақаи махсуси иқтисодӣ ба амал меояд.

   Мутобиқи дурнамои Вазорати рушди иқтисоди Россия солҳои 2018-2020 ҳаҷми андозҳое, ки резидентҳои минтақаҳои махсуси иқтисодӣ пар­дохт мекунанд, ду маротиба афзуда, то 70 милли­ард рубл мерасад.

   Комиссияи Аврупо анде­ша дорад, ки барои маҷмӯи даромадҳои ширкатҳои ази­ми иттилоотии дар қаламрави Иттиҳоди Аврупо фаъолияткунанда «андози рақамии» 3-фоиза ҷорӣ карда шавад. Дар рӯихати чунин ширкатҳо Apple, Google ва Facebook номбар шу­даанд.

   Низоми кори мақомоти андоз дар самти омӯзиши наслҳои оянда ба дигаргунсозӣ ниёз дорад. Вазифаи мақомоти андоз натанҳо ҷамъоварии андозҳо, балки пешгирӣ намудани қонуншиканӣ, ба роҳ мондани корҳои доимии фаҳмондадиҳӣ ва барои андозсупорандагон ташкил кардани бахшҳои омӯзишӣ мебошад, - таъкид гардидааст дар Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон.

   Думаи давлатии Россия лоиҳаи қонун дар бораи ҷорӣ намудани имтиёзҳои андоз барои шахсони воқеиеро тасдиқ намуд, ки ба муассисаҳои давлатии фарҳангӣ кӯмак мерасонанд. Лоиҳаи қонун ҳанӯз соли 2015 аз ҷониби як қатор намояндагони мардумӣ таҳти роҳбарии раиси собиқи Думаи давлатӣ Сергей Наришкин таҳия шуда буд.