wrapper

Хабарҳо

   24 -уми ноябри соли 2018 бахшида ба Рӯзи Парчами давлатӣ дар шаҳри Кӯлоб роҳпаймоии идона баргузор гардид.

   Дар ҷамъомади идона кормандони касбу кори гуногун, дар маҷмӯъ, зиёда аз 15 ҳазор нафар иштирок намуданд. Дар баробари дигар ташкилоту идораҳои давлатӣ кормандони Нозироти андози шаҳри Кӯлоб низ ширкат варзиданд. Сармутахассиси гурӯҳи хизматрасони ба шахсони ҳуқуқи Нозироти андози шаҳри Кӯлоб Дилшод Қаюмов қайд қард, ки парчам ҳамчун рамзи миллӣ дар таърихи давлатдории тоҷикон мақоми хосса дошта, таърихи беш аз 4000-сола дорад. Мавсуф Рӯзи Парчами давлатиро ба ҳамаи сокинон табрику муборакбод намуда, дар корҳояшон комёбиҳои беназиро таманно намуд.

   Бояд ёдовар шуд, ки роҳпаймоӣ аз назди бинои мақомоти иҷроияи ҳокимияти давлатии шаҳри Кӯлоб ва ҳамчунин манораи Парчами миллӣ оғоз ёфт. Ҳамаи иштирокчиёни парад дар дастҳо парчам, шиору овезаҳои ҷашнӣ қадамзанон ба сӯи Муҷтамаи 2700-солагии шаҳри Кӯлоб равон шуданд. Раиси шаҳри Кӯлоб Хайрулло Амонулло ҳангоми суханронӣ ҳамаи сокинони мамлакатро ба муносибати Рӯзи Парчами давлатӣ табрик намуда, зикр кард, ки Парчами миллӣ ҳамчун рамзи давлатдорӣ маънои дӯст доштани ватани азиз – Тоҷикистон, арҷ гузоштан ба муқаддасоти он ва эҳтиром гузоштан ба ҳар ваҷаб замину ҳар қатра оби он мебошад.

Исломи РАҶАБАЛӢ

шаҳри Кӯлоб

Последнее изменение Чоршанбе, 12 Декабри 2018

1647 Шарҳҳо

Матни шарҳи шумо…

Обуна

 

Дар бораи мо

Шумораи нахустини ҳафтаномаи «Боҷу хироҷ» 26 декабри соли 1998, ҳамчун нашрияи Кумитаи андози назди Ҳукумати Ҷумњурии Тоҷикистон, бо номи «Паёми андоз» аз чоп баромада дастраси хонандагон гардид.

Рӯзномаи “Боҷу хироҷ” ягона нашрияи иқтисодии ҷумҳурӣ буда, дар инъикоси фаъолияти иқтисодии кишвар ва ғановати буҷети давлатӣ саҳми арзанда мегузорад. Дар саҳифаҳои рӯзнома амру фармонҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, қонунҳои Ҷумҳурии Тоҷикистон, Фармоишҳои Раиси Кумитаи андози назди Ҳукумати Ҷумҳурии Тоҷикистон, маводҳо роҷеъ ба андозу иқтисод ва фаъолияти соҳибкорӣ, умури бонкӣ ва муҳосибот, ҳуқуқу уҳдадориҳои андозсупоранда, шарҳи Кодекси андоз, инчунин фарҳанги ҷомеаи ҷаҳон ба табъ мерасанд.

PDF