Аммо иқтидори пурраи мониторингро танҳо дар мисоли бизнеси калон дидан мумкин аст. Ҳоло дар Россия 48 ширкат ба ниҳоди мониторинг пайваст шудаанд ва дар оянда, тавре дар хадамоти андоз гуфтаанд, ба реҷаи мазкур пайвастани боз 2500 корхона дар назар аст.
Дар воқеъ, дар бисёр ташкилотҳо хароҷот барои маъмурикунонии андоз то 10% коҳиш меёбад, корҳои бо қоғаз иҷрошаванда аз ин ҳам зиёдтар коҳиш меёбанд. Қайд намудан зарур аст, ки аксари иштирокчиёни мониторинги андоз ба он бештар аҳамият медиҳанд, ки хусусияти асосии мониторинги андоз мусоид сохтани хароҷот барои пардохти андозҳо набуда, балки коҳиш ёфтани вақт ҳангоми гузаронидани санҷишҳо мебошад.
Инчунин, ба он масъала таваҷҷуҳ намудан зарур аст, ки мақомоти андозро зарур аст дараҷаи иттилоотонии намояндагони бизнеси калонро дар бораи мониторинги андоз пурзӯр намоянд, яъне ба онҳо дар бораи шартҳои пайвастан ба реҷаи мониторинги андоз бештар маълумот диҳанд.
Тавре дар хабар омадааст, ҳоло зиёда аз 40 фоизи ташкилотҳое, ки имкони ба реҷаи мониторинги андоз пайваст шудан доранд, дар бораи он маълумоти кофӣ надоранд.
Манбаъ: https://www.vedomosti.ru
